Corpus Van Reenen-Mulder (CRM14): Oorkonde E167p37902

WJ hughe van der hant ende vranc diedwaren soen Scepene in leyden Oirkonden dat voir ons quam pieter claes soen . Ende gheliede dat hi vercoft heeft . gheertruyt claren docht_ viertich scellinghe holl_ns comans paymente tsiairs Te versiene op twie huysen mid horen eruen . dairt een huys ende erue of gheleghen js jn marendorp Ende an die ene zide hair philips gheriid doeden soen . Ende an die ander zide walich haghen . Streckende voir van d_ strate tot after op die graft dat ander huys voirs_ dair men dese voirseyde Renten op versien sel . dat js gheleghen op den ouden rijn Ende beleghen heeft an die ene zide . jacob die cup_ ende ziin zwegher . Ende an die ander zide jan pairdecoper . Ende dese voirseyde Renten alle jair te betalen tot meyen~daghe . Jn oirkonde desen brieue beseghelt mid onsen seghelen Jnt jair ons h_en duysend drie hond_t neghen ende tseuentich op den meyen~Auond