Corpus Van Reenen-Mulder (CRM14): Oorkonde E167p38001

WJ dirc hoghestraet en_ vranc ysac Scepene in leyden Oirkonden dat voir ons quam hertgheer jans soen ende beliede gheriid dircs soen sculdich te wesen vijf scellinghe holl_ns goedts ghelts tsiairs . Te versiene alle jair op een eruekiaen dat gheriid dircs soen hertgheer voirscr_ vercofte . gheleghen Recht after hertgheers huys ende erue Ende beleghen heeft an die ene zide syman duuen soen Ende an die ander zide gheriid voirscr_ selue Streckende (onleesbaar) ende hughe van hertgheers erue afterwairts an symans erue voirnoemt Ende dese voirseyde renten alle jair te betalen tot voirscoten ende valkenburgher marcten In oirkonde desen brieue beseghelt mid onsen seghelen jnt jair ons h_en duysend drie hond_t ende tachtich tsonnendaghes na Sinte bauen dach