Corpus Van Reenen-Mulder (CRM14): Oorkonde E167p38202

WJ ysebrant Roetaerts soen Ende Jan van alcmade Scepene in leyden Oirkonden dat voir ons quam Jan van loen Ende gheliede dat hi vercoft heeft hughen die grauemaker vier scellinghe holl_ns comans payments tsiairs die hi hadde op hughen huys ende erue jairlix voirscr_ dat gheleghen js an die hof~graft Ende beleghen heeft an die ene zide dirc doede monrijns soen Ende an die ander zide heynric die vilre Ende jan van loen voirs_ beliede hem van hughen voirscr_ hier of voldaen ende betailt den lesten Penninc mitten eersten Jn oirkonde desen brieue beseghelt mid onsen seghelen Jnt Jair ons h_en duysend drie hondert twie ende tachtich tsdonresdaghes na Sinte mergrieten dach