Corpus Van Reenen-Mulder (CRM14): Oorkonde E167p38302

Wj dirc die bruyne en_ vranc ysac scepene in leyden oirkonden dat voer ons quam aernt matten z_ en_ gheliede dat hi vercoft heeft vranc diedwaren z_ vier m_ghen lants ende vijf hont lants gheleghen jn + den ambocht van heren jacobs wout En_ beleg_ heeft op dat een eynde vranc diedwaren z_ voerscr_ en_ op dat ander eynde aernt . jacobs z_ . an die oestzide gherijt van d_ does . en_ machtelt dirc willems z_ weduwe an die noortzide En_ aernt voers_ louede vrancken voers_ dit voernoemde lant te waren jaer ende dach alse Recht is en_ men een vry erue sculdich is te waren . En_ aernt voers_ beliede hem hier of voldaen en_ betaelt den lesten penninc mitten eersten jn oirconde desen brieue bezeghelt mit onsen zeghelen jnt jaer ons heren . m . + ccc . + lxxxiij op sinte margrieten dach