Corpus Van Reenen-Mulder (CRM14): Oorkonde E167p38401

WJ Jan stantuast ludolfs zoen . Ende Claes willem borts zoen Scepene jn leyden Oirkonden dat voer ons quam . Splinter gherijt boydijns zoens zoen . Ende gheliede dat hi vercoft heeft vranke_ diedwaren zoen vier morghen lants Ende ander + half hont lants . dat gheleghen js jn + den ambochte van + den woude jn ghemengheder voer mid den goeds huyse van leyderdorpe_ . En_ beleghen heeft an die oest~zide . En_ an die noert~zide vranke voirscr_ zelue En_ Splinter voirscr_ louede vranken voirseyt dit voirghenoemde lant te waren jaer ende dach alse Recht Js En_ men Een vri volboden erue sculdich js te waren Voert soe beliede hem Splinter voirs_ van de_ lande voirscr_ voldaen ende betaelt den lesten Penninc mitten eersten . Jn Oirkonde desen brieue bezeghelt mid onsen zeghelen jnt jaer ons h_en duysend drie + hondert vier ende tachtich Tsvridaghes na dertiende_~dach