Corpus Van Reenen-Mulder (CRM14): Oorkonde E167p38602

WJ hughe van + der hant Ende Syman symans soen Scepene In + leyden Oirkonden dat voir ons qua_ daem hughen soen Ende beliede sculdich te wesen dirc van zwieten neghen pond vijftien scellinghe Ende tien pe_ninghe hollans coma_s payments tsiairs durende tot ewighen daghen Te betale_ alle jair die ene helfte tot voirscoter marcte Ende die ander helfte tot valkenburgher marcte van ene_ camp landts die daem voirs_ ieghens dirc voirscr_ ghehuert heeft tot poortrecht . behoudelic dirc voirscr_ die ghifte van + den lande oec hoet ghesplit worde voirt so sel men dit voirscr_ erue vervoirhueren waneert in besterfte of in coeps~wair comt mid half den Rente_ voirs_ Ende dit voirscr_ erue sel daem voirscr_ bruken dat eerste Jair sonder Renten te gheuen Ende dat and_ jair dair na sel hi betale_ mid half den Renten voirs_ Ende dit voirscr_ lant js gheleghen in + den waert Ende beleghen heeft an + die west~zide Jacob pieters soen mid zinen erue Ende andie oest~zide ende ant noert~ende dirc van zwieten selue mid zine_ erue Ende ant zuyt~ende die Rijn Jn Oirkonde desen brieue beseghelt mid Onsen zeghelen Jnt Jair ons h_en duysend drie + hond_t sesse en_ tachtich op den achtiende_ dach Jn aprille