Corpus Van Reenen-Mulder (CRM14): Oorkonde E167p38701

WJ bertelmeeus van zwieten Ende andries hughen soen Scepene in leyden Oirkonden dat voir ons quam willem heynricx soen Ende beliede sculdich te wesen dirc van zwieten viertien pond ende seuentien scellinghe holl_ns Comans payments tsiaers durende tot ewighen daghen Te betalen alle jair die een helfte tot voirscoter marcte Ende die ander helfte tot valkenburgher marcte van enen camp lants die willem voirs_ jeghens dirc voirscr_ ghehuert heeft tot poortrechte behoudelic dirc voirscr_ die ghifte van + den lande oec hoet ghesplit worde Voert so sel men dit voirscr_ erue vervoirhueren waneert in besterfte oft in coops~wair Coomt mid half den renten voirscr_ Ende dit voirseyde erue sel willem voirscr_ bruken dat eerste jair sonder renten te gheuen Ende dat ander jair dair na sel hi betalen mid half den renten voirs_ Ende dit voirscr_ lant is gheleghen Jn + den wairt Ende beleghen hebben an die west~zide jacob pieters soen ende dirc van zwieten . An die oest~zide dirc van zwieten voirscr_ selue An die noort~zide dirc van zwieten voirscr_ selue alle voirscr_ mid horen lande Ende an die zuyt~zide den riin . Jn oirkonde desen brieue beseghelt mid Onsen zeghelen jnt jair ons h_en duysent drie hond_t seuen ende tachtich tsmanendaghes na sinte bauen dach