Corpus Van Reenen-Mulder (CRM14): Oorkonde E167p38802

WJ goiswijn claes soen Ende andries hughen soen Scepene in leyden oirkonden dat voir ons quam willaem Reyners soen Ende beliede dirc van zwieten sculdich te wesen / elf pond ende twie scellinghe holl_ns comans payments tsiaers durende tot ewighen daghen te betalen alle jair die ene helfte tot voirscoter marcte En_ die ander helfte tot valkenburgher marcte van enen camp landes die willaem voirs_ jeghens dirc voirscr_ ghehuert heeft tot poortrechte behoudelic dirc voirscr_ die ghifte van den lande oec hoet ghesplit worde voirt so sel men dit voirscr_ erue veruoirhueren waneert in besterften of in coops~wair comt mid half den Rente_ voirs_ Ende dat voirscr_ erue sel willaem voirscr_ bruken dat eerste jair sonder Renten te gheuen Ende dat ander jair dair na sel hi betalen mid half den Renten voirs_ / Ende dit voirscr_ lant Js gheleghen Jn + den ambocht van leyderdorp Jn + den wairt Ende beleghen heeft pieter hughen soen an die westzide / ant noort~ende die oude rijn mitten boomgairt / an die oestzide dirc van zwieten Ende pieter hughen soen Ende ant zuyt~en_ willaem heynrics soen Ende willaem Reyners soen / alle voirscr_ mid horen lande Jn oirkonde desen brieue beseghelt mid onsen seghelen Jnt Jair ons h_en duysend drie hondert acht ende tachtich vp den twalifsten dach Jn mairte