Corpus Van Reenen-Mulder (CRM14): Oorkonde E167p38803

WJ goiswijn claes soen Ende andries hughen soen Scepene in leyden oirkonden dat voir ons quam willaem daniels soen Ende beliede dirc van zwieten sculdich te wesen / achte pond ses scellinghe Ende achte penninghe holl_ns comans payments tsiaeirs / durende tot ewighen daghen Te betalen alle Jair die ene helfte tot voirscoter marcte Ende die ander helfte tot valkenburgher marcte van enen camp lants die willaem voirs_ . jeghens dirc voirscr_ ghehuert heeft tot poortrechte / behoudelic dirc voirscr_ die ghifte van den lande / oec hoet ghesplit worde / voirt so sel me_ dit voirscr_ erue veruoirhuere_ waneert in besterften of in coops~wair comt / mid half den renten voirs_ Ende dit voirscr_ erue sel willaem voirghenoemt bruken dat eerste Jair Sonder Renten te gheuen Ende dat ander Jair dair na sel hi betalen mid half den renten voirs_ Ende dit voirscr_ lant Js gheleghen in den ambochte van leyderdorp Jn + den wairt / Ende beleghen heeft an die westzide pieter hughen soen Ende ant noort~ende / / an die oestzide willaem heynrics soen / Ende ant zuyt~ende jacob pieters soen Ende daem hughen soen / alle voirscr_ mid horen landen Jn oirkonde desen brieue beseghelt mid onsen seghelen Jnt Jair ons h_en duysend drie hond_t acht ende tachtich . vp den twalifsten dach Jn mairte