Corpus Van Reenen-Mulder (CRM14): Oorkonde E167p38805

Jc andries auen soen make cond allen luden dat mj b_tout naghel hier voertijs verhuerde tot erfhuer ses g_den lants legghende op jan foyen lane om een pont siaers al~daer scepen~brieue of sijn aen beyden siden en_ want me_ nv ter tijt min vint des lants aen die oost~side dan die scepen~brieue begrepe_ hebben al~daer + of van + den ghebreke die ic daer in hebbe so belie ic mj dat Rijssent baertouts naghels wedewe mj vol of~ghedaen heeft dat mj daer mede ghenoecht en_ kenne die scepen~brieue die rijssent daer + of heeft van + den ponde siaers in alre sine macht jn kennesse der waerheit en_ want ic selue ghene_ seghel en hebbe so hebbic ghebeden dirc dirx soen mine_ neue dat hi desen brief voer mj beseghelt heeft mit sine_ seghel jnt jaer ons heren dusent drie hondert acht en_ tachtich op sinte thomas dach apostel