Corpus Van Reenen-Mulder (CRM14): Oorkonde E167p39101

WJ harman bitter ende dirc van + der gheest scepene in leyden Oirkonden dat voir gherechte quam aernt h_en jans soen Ende gaf ouer symon symons soen ende bertelmeeus van zwieten nv ter tijt gasthuys~meesters te leyden tots gasthuys behoef Enen scepene~brief dair dese scepene~brief doir ghesteken js mid recht en_ mid vonnesse alse recht js ende scepene wijsden die gasthuys~meesters voirseyt of namaels wesen sullen mede te winnen ende te verliesen gheliken joft aernt h_en jans soen voirscreuen selue wair Jn Oirkonde desen brieue beseghelt mid Onsen zeghelen Jnt jair ons h_en duysent drie hondert Een ende tneghentich tswoensdaghes na sinte mergrieten dach - - -