Corpus Van Reenen-Mulder (CRM14): Oorkonde E167p39102

WJ Jan grieten soen Ende jsebrant van + der laen Scepene Jn leyden Orkonden dat voir ons quamen dirc die bruyn Ende gherijt lam siin broeder Ende gauen ouer met recht Ende met vonnes Symon symas soen Ende bartholomeus van zwyeten nv ter tijt gasthuys~meysters tot leyden tot gasthuys behoef twye Scepene~brieuen daer dese scepen~brief doer + steken js mede te winnen Ende te verliesen tot gasthwys behoef gheliken wijs of dirc en_ gherijt voirscr_ selue waren al~so als hem aen~bestoruen js van katrinen ians backers hoere moeyen Jn Orkonden desen brief bezeghelt mit onsen zeghelen Jnt iaer ons h_en dusent drie hondert jen en_ tneghentich des vridachs (onleesbaar) na des heylighen sacriments dach