Corpus Van Reenen-Mulder (CRM14): Oorkonde E167p39104

WJ Jan die bruyn en_ Jan grieten soen Scepene In leyden oirkonden dat Voer ons quam Jan Jacop yenen soens soen Ende beliede dirc ludekijns soen sculdich te wesen ien pont holl_ns comans payments tsiaers Te betalen alle Jaer tot heyligher misse Te versien en_ staende op een huys en_ erue gheleghen op die middel~graft En_ heeft beleghen an die een side goef wendel En_ an dander side enghebrecht Jacops soen beyde mit horen huysen en_ eruen Streckende voer vier graft afterwaerts Jn sinter~claes~graft Ende Jan Jacobs soen liede hem hier of voldaen en_ betaelt den lesten pennync mitten eersten Jn oirkonde desen brieue bezeghelt mit onsen zeghelen Jnt Jair ons h_en duysent drie hondert ien en_ tneghentich des dynxdaghes in sinte katrinen dach