Corpus Van Reenen-Mulder (CRM14): Oorkonde E167p39203

Wj Jan die bruyn Ende goeswiin claes zoen Scepene in leyden oirkonden dat voir ons quam pieter scollegen Ende gheliede dat hi vercoft heeft gheriit die wit een pond holl_ns Comans payments tsiairs Te betalen alle iair op meyen~dach Te versiene ende staende op een erue ende op twie husen die daer nv ter tiid op staen Gheleghen in onser vrouwen prochi in marendorp Ende beleghen heeft der stede vest an die ene zide Ende gheriit pieter scollegens zoen an die ander zide mit zinen huse ende erue Streckende voir van + der strate afterwairts an cop voghelaers erue Ende pieter voirscr_ beliede hem hier of voldaen Ende betaelt den lesten penninc mit den eersten Jn oirkonde desen brieue bezeghelt mit onsen zeghelen Jnt iair ons heren dusend drie + hondert twie ende tneghentich Opten twintichten dach in Mey