Corpus Van Reenen-Mulder (CRM14): Oorkonde E167p39301

Wj Jan stantvast ludolfs soen Ende willem Jan willems soens soen Scepene in leyden oirkonden dat voir ons quam dammes jonghe willems soen En_ gheliede dat hi vercoft heeft vranc diedwaren zoen Elf hont lants drie Roede lants en_ drie voete lants die gheleghen zien jn + den ambocht van valkenburch ende van Catwijc . Ende beleghen heeft an die oest~zide en_ an die zuyt~zide vranc voirscr_ selue . An die noert~zide willem aelwiins soen En_ an die west~zide h_en jan adaems soen alle mid horen lande . En_ dammes voirseyt louede vranc voirscr_ dit voirghenoemde lant Te waren tot ewighen daghen en_ men een vry volboden erue sculdich is te waren . sonder seuen scellinghe en_ achte penninghe holl_ns goedes ghelts dier vp staen tot jairlixen Renten . voert so beliede hem dammes voirnoemt hier of voldaen en_ betaelt den lesten penninc mitten Eersten . In Oirkonde desen brieue beseghelt mid onsen zeghelen Int jair ons h_en duysent drie hond_t drie en_ tneghentich vp den een en_ twintichsten dach in aprille . . .