Corpus Van Reenen-Mulder (CRM14): Oorkonde E167p39401

WJ claes Jans vos soen Ende dirc van + den bosch scepene in leyden Oirkonden dat voir ons quam hughe joseps soen Ende gheliede dat hi vercoft heeft katerine gherijts dochter Een pond holl_ns Comans payments tsiaers alle Jair te betalen tot meye Te verzien ende staende vp siin husinghen ende eruen die gheleghen zien jn + den Camp in Onser vrouwen prochie Ende beleghen heeft an die een zide machtelt pet~mans wedue Ende an die ander zide aelwiin duyst streckende voir van + der strate afterwairts an florijs ghisebrechts soens erue Ende hughe Joseps soen voirnoemt beliede hem hier of voldaen en_ betailt den lesten penninc mitten eersten Jn Oirkonde desen brieue beseghelt mid Onsen zeghelen Jnt jair ons h_en duysent drie hondert vier en_ tneghentich vp Sinte aechten dach