Corpus Van Reenen-Mulder (CRM14): Oorkonde E167p39501

WJ Symon bort ende dirc van + der specken Scepene jn leyden oirkonden dat voer ons quam claes petteman Ende gheliede dat hi vercoft heeft vranc diedwaren soen een pont goets ghelts siaers mitten houde Te versien ende staende vpt huys en_ erue daer claes nv ter tijt jn woent vp die volres~graft en_ heeft beleghen an die een side Jacob van prusen Ende an die ander side ijsb_nt van boshusen beide mit horen husen en_ eruen Streckende voer vter graft afteran vranc diedwiin soens huys en_ erue / dese renten alle jaer Te betalen tot voerscot_ en_ valkenburg_ marcten voert liede him claes voirnoemt hier of wel voldaen en_ betaelt den lesten pennync mitten eersten Jn oirkonde desen brieue bezeghelt mit onsen zeghelen Jnt jair ons h_en duysent drie hondert vijf ende tneghentich tsaterdag_ na sinte mauricius dach