Corpus Van Reenen-Mulder (CRM14): Oorkonde E167p39901

WJ pieter butewech gherijts soen . ende jan hughen soen Scepene jn leyden . Oirkonde_ dat voir ons quamen gherijt die bruyn ende heynric die bruyn jacob heynrics soens kinder . Ende ghelieden dat si mit ghesamender hant en_ elc voir al vircoft hebben heren pieter van + den pol dirc van thetroeden ende hore_ ghesellen dat rechte v_endel van twien weren lants ghehieten die vievennen gheleghen jn + de_ ambocht van leyderdorp . ende houden te~same_ omtrent vier ende twintich m_ghen ende vier hont lants luttel min of meer van wilken lande toe~behoirt florijs syman florijs soens soen mit sine_ stiepkinderen dat weder v_endel ende plach te wesen pieter ? soens ende die ander helft js willem soytgens . welc hi coft jeghe_ willem symans soen . Voirt so hebbe_ noch gherijt en_ heynric voirscr_ dair toe vircoft . here_ piet_ dirc ende hore_ ghesellen voirnoemt dien eyghendom van ? . behouden een~yeghelic siin ouertocht ouer die laen voirs_ diere recht toe heeft . Streckende van + den ? tot an de_ notwech . welc lant ende laen voirscr_ gherijt ende heynric voirnoemt leuere_ sellen bi + der mate . (onleesbaar) selle_ heer pieter dirc ende hoir ghesellen voirs_ voir elker m_ghe_ lants die he_ gheleuert wert . betalen vijf + en_ viertich pont holl_ns comans payments . Voirt so gheloofden gherijt ende heynric voirnoemt mit ? hant ende elc voir al dat v_endel van + den vievennen . ende dair toe die laen voirscr_ te waren jair ende dach ? me_ een vry eyghen volboden erue sculdich js te waren . tot h_en pieters dircs ende hoirre gheselle_ behoef ? Ende gherijt die bruyn ende heynric die bruyn voirghenoemt . ghelieden he_ volcomelic ende wele betaelt ? lesten penninc mitten eerste_ . van here_ piet_ dirc ende hoirre_ ghesellen voirs_ roerende van + de_ coip des lants ende der laen voirscr_ jn oirkonde desen brief bezeghelt mit onse_ zeghelen . jnt jair ons h_en duysent drie + hondert neghen ende tneghentich Des saterdaechs na onser vrouwe_ dach purificatio .