Corpus Van Reenen-Mulder (CRM14): Oorkonde E167p40001

WJ dirc van + den bosk ende dirc van + d_ gheest Scepene Jn leyden Oirkonden dat voir ons quam Jacop heremalen ende gheliede dat hi vercoft heeft / den susteren van sinte franciscus oorden wonende aft_ onser vrouwen kerke te leyden / veertich scellyng_ holl_ns comans payment siairs Te betalen alle Jair tot voerscoten ende valkenburg_ marcten Te versien ende staende vp enen twne die Jacob voirs_ ghecoft heeft Jeghens fyen gherijt pieters weedwi ende is gheleghen a&ncirc;den maerndijc Ende wair dat sake dat desen vors_ twne niet goet ghenoech en ware So souden hem die susteren voirs_ voirt versien an alle Jacops goede voirs_ wair die gheleghen sien / voirt so gheliede hem Jacop voirs_ hier of wel voldaen ende betaelt den lesten pennync mitten eersten Jn oirkond desen brieue beseghelt mit onsen ? Jnt Jair ons h_en duysent ende vier hondert Tsvridag_ na alder zielen dach