Corpus Van Reenen-Mulder (CRM14): Oorkonde E168p38101

Jc philips aernds soen / Scout . jn + den ambocht van voerscoten . Doe Cond allen luden . Dat voir mi quam Clays oem / en_ ghelyede dat hi vercoft heeft dirc van + den bosch / en_ philips aleyden philips hughen soens kinderen van + den boske / Of den houder des briefs viertich scell_ holl_s tsiaers ewelike Renten Te betalen alle jare op den kersauond jn sulken paymente als men dan ghemienlike aldaer landhuer mede betaelt . Welke renten voirscr_ Clays oem bewijst / en_ v_sekert heeft / Op vijf morghen lands / ende erue dat hi legghende heeft . jn + den ambocht van voerscoten / en_ nv ter tijt beleghen heeft Op die westzide heer aernd van duuenvoirde / Opt oistzide philips hughe_ mijns h_en soens sone mit lande dat hi van philips aernds sone te lien houdt / Opt noordende scakenbosch / en_ opt zuydende die vliet / En_ waerd dat Clays oem / Of die dit voerscr_ land / en_ erue toe~behoorde niet en betaelde op den dach vornoemt philips hughen soens kinder voirs_ . jof den houder des briefs . Of haren ghewairden bode . So souden zij daer op v_teren alle daghe vier scell_ holl_s payments voirscr_ tote dier tijt toe dat Clays oem / Of diet land / en_ erue toe~behoorde vol en_ al betaelt hadde den Cost mitten renten / En_ wanneer zij niet langher teren noch leysten en wilden / So zel zij panden an + den lande / en_ erue vornoemt na den rechte van den ambocht voirs_ Ops erfs Cost sonder weder~segghen Renten en_ Cost te~zamen En_ Clays oem heeft ghelooft voir hem / en_ voir sijn nacomelinghe_ philips hughen soens kinder vornoemt / Of den houder des briefs en_ haren nacomelinghen dese Renten te waren tot ewighen daghen / en_ niet voor op te staen dan viertich scell_ holl_s tsiaers payments . jn kennessen der waerheid heb ik philips aernds soen Scout in + den ambocht voirs_ desen brief open besegheld mit minen zeghel jnt iaer ons h_en . Dusent . + drie + hondert een en_ tachtich op den eersten dach . jn maerte .