Corpus Van Reenen-Mulder (CRM14): Oorkonde E168p39401

Jc ysebrant streuelant Scout in + den ambocht van voerscoten doe kont allen lude_ dat ic ghecoft hebbe ieghens jan die brabander al sulc goet als hi hadde met winen claes pieters soens docht_ of wine_ hier na ghecrighen mochte roer en_ onroer en_ hier ouer waren Aernt van dam en_ allaert pieters soen als tughe welc goet ic weder vercoft hebbe Aernt van duuenvoerde alsoe groet en_ alsoe clein als ict ghecoft hadde en_ beli mi daer of wel betaelt den lesten pe_ninc mitten eersten En_ in kennesse der waerheit heb ic desen brief bezeghelt mit mine_ zeghel jnt jaer ons h_en M . + ccc . + xciiij opten beloken paeschen~dach