Corpus Van Reenen-Mulder (CRM14): Oorkonde E191p39101

@ @ Alle den ghenen die dezen brief zellen zien of horen lezen doe ic verstaen ghizebrecht gheylinc hermans zoen scoute in + den @ westbroec in + der vrouwen gherechte van zulen dat voer mi ende voer die lantghenoten ende buere die hijr na bescreuen staen quam jnt @ gherechte gherijd lubbrechts zoen ende begheerde eens oerdels of die ander + half viertel veens ende velts alzo alze gheleghen is in + den @ westbroec streckende van + den nederen wech int wilde daer die nonnen van + den dael bouen naest ghelant ziin ende die heren van @ oudemvnster tutrecht beneden alzo vry ende alzo los zine waren dat hi + se mochte verzetten verzellen ende den vryen eyghendom @ of~gheuen vrylic wien dat hi woude ende hem wart ghewijst mit rechte ende mit oerdele dat hiit wel doen mochte ende dat @ die ghifte mit rechte stadicheyt hebben zel doe dat ghedaen was aldaer zo gaf gherijd lubbrechts zoen voerzeyt vrederic @ marten den vryen eyghendom van + den ander + halue viertel veens ende velts voerscreuen ende verteech daer of tot vrederic martens behoef vorghenoemt alze recht ende oerdele wijsde dat hi sculdich was te + doen endet mitten rechte stadichheyt hebben zel Ende loefde hem mede den eyghendom van + den ander + halue viertel veens voerscreuen jaer ende dach @ te + waren alse recht is hijr waren ouer ende ane doe dit ghesciede euerd vten weerde jacob van + den veen iohans zoen @ ghizebrecht gheylinc ghizebrechts zoen dirc tydemans zoen lantghenoten claes naghel ende dirc kromkiin buere @ jn + den gherechte voerscreuen ende anders veel ghoeder lude Ende op~dat dit vast ende stade bliue zo hebbe ic @ euerd vten weerde voerzeyt minen zeghel aen dezen brief ghedaen tenen orconde Ende want wi ghizebrecht @ gheylinc hermans zoen scoute jacob van + den veen iohans zoen ghizebrecht gheylinc ghizebrechts zoen dirc tydemans zoen lantghenoten claes naghel ende dirc kromkiin buere voerscreuen op deze tijd zelue ghene zeghelle en hebben zo hebben wi ghebeden enen eerzamen man willam van boechout ambochtsman der vrouwen van zulen dezen brief ouer ons te + bezeghellen mit @ zinen zeghel Ende ic willam van boechout voerscreuen hebbe om bede wille ghisebrecht gheylinc hermans ? scoute @ jacobs van + den veen ghizebrecht gheylinc ghizebrechts soens dirc tydemans zoens Claes naghels ende dirc kromkiins vorghenoemde minen zeghel aen dezen brief ghedaen tenen orconde ghegheuen jnt jaer ons heren duzent dre + hondert een ende tneghentich des manendaghes na sinte ambrosius dach