Corpus Van Reenen-Mulder (CRM14): Oorkonde E192p30601

@ @ Al den ghene_ de desen brief Sien sellen of horen lesen / do wi v_staen . . Scoute / en_ . . Scepene / der stat van vtrecht / dat voer ons q_me_ int gherechte / lambrecht va_ der . A . en_ ver goude sin wijf / onse borgeren / en_ gaue_ mit horen vrien wille / te buerkercke behoef / al dat recht dat si @ hadden / an der hofstede daer si op wone_ / de gheleghen is op toude kerchof / tuschen jacobs hofstede vern mersende sone / an dou_~side / en_ tuschen hare_ @ jacobs hofstede van lichtenberch / an + der neder~side . Voert so gaue_ si der voerghenoemder kercken / ene_ vrien eygendoem / va_ al + der @ husingge / de nu opter hofstede geti_mert sin / en_ si ne sellen + se niet arghere_ sonder alrehande archeyt / mit sulken vorwarde_ / dat @ si hoer lijftochte daer ane behouden sellen / an + der husingge / en_ an + der hofstede / also langge alsi bede leue_ . mar waer dat sake / dat @ de husingge verborneden / de nv opter hofstede gheti_mert sin / so mochte lambrecht / en_ ver goude sin wijf vorgenoemt / we_er ti_meren opter hofstede / of si wouden / en_ alsi bede doet sin / so mach de kercke / de husingge copen / of si wil / omme also vele gelts / alse tve ti_merma_ne @ segge_ dat si waerdich sin of te + breken / en_ en woud + se de kercke niet copen / so sellen + se hore tvire erfname_ / of~breken / en_ doenre mede hore_ @ wille . Dit ghesciede / onder jan hare_ vrederix sone scoute . vrederic soudenbalch . ghisebrecht pellencussen . alard ere . ere_brecht haren @ ere_brechts sone . arnoud deen springger . jan hare_ rotards sone . goedscalc deen merseman / tideman den ouden / en_ kerstiaen vincke / scepene @ tutrecht / en_ op~dat dit vast en_ stade bliue / so heb wi . . Scoute / en_ . . Scepene vorghenoemt desen brief besegelt / mit onser stat segel / tene_ @ oerco_de . Dese brief wart ghegheue_ int jaer ons here_ . M˚ + . ccc˚ en_ sesse / des manedages voer sinte pauwels dach apostel . ~ ~