Corpus Van Reenen-Mulder (CRM14): Oorkonde E192p30701

@ @ JN + den name des vaders / entes soens / entes heylighen gheest . amen / . wi Scoute en_ . . Scepene d_ stat va_ vtrecht / doen kont al den ghene_ / de dese lett_e sien sellen / of hore_ lesen / @ + dat voer ons qua_ int gherechte / har ere_brecht hare_ ere_brechts sone / en_ v_ sophie sijn wijf / en_ gaue_ hoer husingge / en_ hoer hofstede / ghelege_ tusche_ hare_ jans vre_ken @ hofstede / an + der ou_~side / en_ tusche_ der backersteghe an + d_ ned_~side / behoude_ hare_ jan sine_ broder daer ane / dre + pont gelts / va_ sine_ vijfte_dele . voert so gaue_ si al dat erue / @ + dat si hadde_ bi_ne_ der stat / en_ bute_ der stat / behoude_ hore bed_ lijftochte / en_ al rore_de guet / dat hom blijft / na hore doet / tot eens hus behoef / dat + si noch wille hebbe_ @ te stichte_ / of + te geue / de sijt beuele_ / in ere des heylichs gheest / en_ dat sel hete_ des heylichs gheest hus . jn der manire / so wat guede come_ mach / of va_ enige_ @ guede dat daer noch yema_t to gheue_ sel / dat + me_ daer mede laue_ / en_ v_vruen sel / de arme hussitte_de / in de ere / des heylighen geest / al kerst~dage / al onser @ vrouwen daghe / alre + heylige_~dage . dertienden dage / op ons here_ hemelvaert / al aposteldage / en_ alle sonedage / also vele / alse va_ + de_ guede come_ mach / dat @ sellen si / oerdeniren / de ghene de sijt beuelen . en_ waer dat sake / dat yemant tote_ vorgenoemde_ huse / almoce gaue / an pe_ningen / of an enighen guede / dat @ soud + men an erue legge_ / en_ rente mede cope_ de almocen mede te meerre_ i_ + de_ vorgenoemde_ dage_ / dit hus besette_ si te beware_ / an hare_ pet_ en_ an hare_ matheus @ hore_ brode_n / en_ alse hoers ontbreket / so beuelen sijt hare_ jan hore_ brod_ / en_ hare_ gheraed kockart . en_ alse hoers ontbreket / so beuelen sijt / hare_ ere_brecht @ pellencussen / en_ vern hasen hore sust_ / also langge / alse hore enich leeft / en_ na hore alre doet so beuele_ sijt / de_ doemdeke_ va_ vtrecht / enten tveen borg_meeste__n @ va_ vtrecht / de + me_ alle jare v_niet / de in + der tijt sellen wesen . so wat de tve ou_~een~draghen / dat sel de derde volge_ / also dat si daer to moge_ sette_ / ofte ontsette_ / ene / ofte tve / et si man of wijf / de des hilichs + gheest hus oerbarlike sin / de de rente ontfaen sellen / ente almoce_ vtreke_ / dat si wel bestat is - @ + mitteen vorwarde_ / dat har ere_brecht / of v_ sophie sin wijf / ofte ghene / de sijt beuole_ hebbe_ / wel moge_ / erue v_cope_ / en_ cope_ / en_ anders guet / des @ heylichs gheest hus mede te v_betere_ / en_ niet te argere_ / en_ en~ghene cappelrie in de_ huse te wesen / om de almoce ewelike te bliue_ . dit ghesciede ond_ @ jan hare_ vrederix sone / scoute . hare_ vrederic soude_balch . hare_ ghisebrecht pellencussen . hare_ alard ere . hare_ harma_ g_wart . albrecht de_ vischer @ peter va_ + den velde . jan va_ sinte marien . geraed va_ voerscote_ bertoud pont / en_ ghisebrecht sond_ galle scepe_ tutrecht / en_ op~dat dit vast en_ stade eweliken bliue @ so heb wi . . Scoute / en_ . . Scepene vorgenoemt / onser stat segel an desen brief ghedaen tene_ oerco_de . en_ jc ere_brecht hare_ ere_brechts sone vorgenoemt / hebbe @ desen brief mede besegelt mit mine_ segel tene_ oerco_de / voer / vern sophien mijn wijf en_ mi / op~dat dese vorghenoemde stucke_ eweliken vast en_ stade @ bliue / ewelike sonder weder~segge_ . Dit ghesciede int jaer ons here_ . &mring; + . ccc˚ + . en_ seue_ des vridages na onser vrouwen dach te midden oeste ~ ~ ~