Corpus Van Reenen-Mulder (CRM14): Oorkonde E192p31801

@ @ Alle den ghenen de desen brief sellen sien of horen lesen / Do wi v_staen . . Scoute / ende . . Scepene der stat va_ vtrecht @ dat voer ons qua_ int gherechte / tideman harbords sone en_ gaf ioha_ne spiering tenen eweliken erfpachte @ siin hofstede / de gheleghen is / opte Smede~steghe vo~erbi der graft / tuschen hofstede richaerds verren oghen @ erfname_ an de ouer~side / en_ tuschen de Smede~steghe an de neder~side / elx iaers om ses pont / enen goeden @ g_ten coninx tornoysen voer sestien pe_ninghe / en_ ene_ goeden hollantschen voer tue pe_ninghe gherekent @ en_ om tue capoene / de ene helft te + betalen tot paeschen / en_ de ander helft tot sinte victoers misse / en_ de @ tue capone tot kersauont / en_ also voert iaerlix eweliken . Mit dusghedanighen vorwarden / dat tideman @ vorghenoe_t / siin erfname_ / noch siin nacomelinghe / en moghen niet meer v_copen / noch wech~gheuen / noch v_-setten / noch v_sellen / an deser voerseyder hofsteden / dan desen vorghenoe_den pacht . maer iohan vorghenoe_t @ siin erfname_ / en_ siin nacomelinghe / moghen vrilike v_copen / of wech~gheuen / of v_setten / of v_sellen / dese @ voerseyde hofstede / ente husinghe de daer nv op ghetimmert staen / of hiir na ghetimmert warden @ onder sulken pacht / en_ vorwarden / als hiir voer bescreue_ staet . Dit ghesciede onder arnoud van @ den velde scoute / machelem van cranenborch / iohan haren rotards-e sone / w_naer haren hughen sone / peter @ oude + ridder / vrederic van rodenborch / vrederic soude van damasche / tideman doude / godscalc de merse-man / kerstiaen vinke / niclaes van driele / ghisebrecht de waersagher / en_ iacob van den spieghel scepene @ tutrecht . En_ op~dat dit vast en_ stade bliue / so heb wi scoute / en_ scepene vorghenoe_de / onser stat @ seghel an desen brief ghedaen / tenen orconde . Deser brieue siin tue . ghegheue_ int iaer ons h_en @ dusent + / dre + hondert + / en_ achtiene / des vridaghes na sinte margrieten daghe . . -