Corpus Van Reenen-Mulder (CRM14): Oorkonde E192p32401

@ @ Alle den ghenen de desen brief sellen sien / of horen lesen / Do wi v_staen Scoute en_ Scepene der stat @ van vtrecht / dat voer ons quame_ int gherechte ver goude die lambrechts blunden wiif @ wiif @ was / lambrecht / en_ vrederic hoer kindere / en_ verteghen claerlike tot behoef machtelden @ aechten / en_ lysebethen de dochteren siin v_en gouden vorghenoemt / alse van eenre hofstede die @ gheleghen is in de corenmarct / tuschen hofstede belen die pelegrims wiif was vter corenmarct @ an de ouer~side / en_ tuschen hofstede peters van + den putte an de neder~side / Do dat ghedaen was @ doe gauen dese vorghenoemde machteld / aechte / en_ lysebeth mit horen vryen wille en_ mit @ lambrechts blonden hant hoers broeders en_ hoers mo_baers / peter van + den putte voerseyt @ twe pont ghelts iaerlix te renten suart_ tornoyse / enen goeden hollantschen voer tue penninghe gherekent / alse in hore vorghenoemde hofstede / die ene helft te + betalen van deser @ voerseyder rente tot sinte victoers misse / en_ de ander helft tot paeschen / en_ also voert @ iaerlix erflike en_ ewelike / Dit ghesciede onder aernoud van + den velde scoute iohan hare_ @ rotaerds sone / peter oude + ridder / peter van + den velde / vrederic zoude van damasche / amelis @ bouentorp / bartoud pont / iohan coeke hare_ hermans coeken sone / wouter van voerscoten / ghisebrecht @ van brandenborch / iohan de wale / en_ ghisebrecht de potter scepene tutrecht / En_ op~dat dit vast @ en_ stade bliue / so heb wi scoute / en_ Scepene vorghenoemde onser stat seghel an desen brief ghedaen tenen orcunde . . ghegheuen int iaer ons heren / dusent + / dre + hondert + / en_ vier ende @ tuintich / des saterdaghes na ons heren hemeluaerd -