Corpus Van Reenen-Mulder (CRM14): Oorkonde E192p32801

@ @ Alle den ghenen de desen brief sellen sien / of horen lesen / Do wi v_staen . . Scoute en_ . . Scepene der stat van @ vtrecht dat voer ons quame_ int gherechte peter oude + ridd_ en_ tideman ossekiin onse borghere / ende @ gauen gherarde den budelmaker tenen eweliken erfpachte / hoer hofstede die gheleghen is in de scoemakerhalle aen de graft / tuschen hofstede tideman herboerds soens / en_ amelijs siins broeders an de ou_~side @ en_ tuschen hofstede ioncvrouwe ermegaerden van damasche / en_ hoerre kind_en / en_ ionghe wouters van @ voerscoten onderdeel an de neder~side / elx iaers om vier pont suart_ tornoyse / ene_ goeden g_ten coninx @ tornoysen voer sestien pe_ninghe en_ enen goeden hollantschen voer tue pe_ninghe gherekent / te + betalen de @ ene helft tot sinte iohans misse te midde~somer / en_ de ander helft tot kersauont / en_ also voert @ iaerlix ewelike / Mit dusghedanighen vorwaerden / dat peter en_ tideman ossekiin vorghenoemde hore @ erfname_ / noch hore nacomelinghe / en moghen niet meer v_copen / noch wech~gheuen / noch v_setten / noch @ v_sellen / an deser voerseyder hofstede / dan desen vorghenoemden erfpacht / maer gheraerd vorghenoe_t @ siin erfname_ / of siin nacomelinghe / moghen vrilike v_copen / of wech~gheuen / of v_setten of v_sellen dese @ voerseyde hofstede / en_ alsulke husinghe alse daer nv op gheti_mert staen / of hiir na gheti_mert @ warden / onder sulken pacht en_ vorwaerden alse hiir voer bescreuen staet . . Dit ghesciede onder @ aernoud van + den velde scoute / veymbrecht van conpestelle / iohan hare_ vrederix sone / iohan den bole / vrederic aelbrechts sone / ghisebrecht vten weerde / iohan van amerunghen / peter scorre / iacob van aelrehorst / niclaes hardebolle / gheraerd woudman / iacob van lochorst / en_ abraem van conpestelle scepene @ tutrecht / En_ op~dat dit vast en_ stade bliue / so heb wi Scoute en_ Scepene vorghenoemde onser stat @ seghel an desen brief ghedaen tenen orconde . . ghegheuen int iaer ons heren dusent dre + hondert @ en_ achte en_ tuintich / des donredaghes na sinte pouwels daghe in + den afterwint_