Corpus Van Reenen-Mulder (CRM14): Oorkonde E192p33002

@ @ Alle den ghenen de desen brief sellen sien of horen lesen Do wi v_staen . . Scoute en_ . . Scepene der stat @ van vtrecht / dat voer ons quamen int gherechte / lambrecht hoen en_ tideman scorre kercmeyst_e @ der kerken van buurkerke tutrecht / en_ gauen tenen eweliken erfpachte / ansche doeden dien vede-laer en_ baerten sciuen sinen wiue / ene hofstede de der kerken van buurkerke voerseyt toebehoert @ also alse de gheleghen is in sinte iacobs steghe / an die zuut~side van + der steghe / tuschen hofstede der heren @ van oudemu_st__ tutrecht an de ouer~side / en_ tuschen hofstede hildegonden van hasenberch an de nederside / elx iaers om tue en_ dertich scillinghe suart_ tornoyse ene_ g_ten coninx tornoysen voer sestien pen-ninghe / en_ ene_ goeden hollantschen voer tue pe_ninghe gherekent te + betalen de ene helft tot sinte victoers misse nv naest comende / en_ de ander helft tot paschen daer naest comende en_ also voert @ iaerlix eweliken . Mit sulken vorwarden / dat lambrecht hoen en_ tideman scorre kercmeysters voerseyt / ofte ghene de na hem kercmeysters warden in der tiid eweliken niet meer en moghen v_copen @ noch wech~gheuen / noch versetten / noch v_sellen / an deser voerseyder hofsteden / dan desen vorghenoe_den erf-pacht . maer ansche doede en_ baerte siin wiif vorghenoe_de / hoer erfname_ en_ hoer naecomelinghe / mo-ghen vrilike v_copen / of wech~gheuen / of v_setten / of v_sellen / dese voerseyde hofstede / en_ de husinghe @ de daer nv op ghetimmert staen of hiir na ghetimmert warden / onder alsulken pacht en_ vor-warden alse hiir voer bescreuen staet . Dit ghesciede onder ioha_ne van lewenberch scoute / bartoude @ pont / ioha_ne haren rotaerds sone / peter van + den velde ioha_ne coeken haren hermans coeken sone / iohanne @ den wale / iacob van + der vischmarct / tidema_ne herbords sone / peter den wolf / niclase proeys / ioha_ne hu-ghen sone / gherarde den vrese van + der hogherstrate en_ iacob van clarenborch scepene tutrecht . En_ op~dat dit vast en_ stade bliue / so heb wi scoute en_ scepene vorghenoe_de / onser stat seghel an desen @ brief ghedaen tenen orconde . Deser brieue siin tue . ghegheuen int iaer ons heren / dusent @ dre + hondert + / en_ dertich / des vridaghes na sinte iohans daghe te middesomer . . - . . -