Corpus Van Reenen-Mulder (CRM14): Oorkonde E192p33003

@ @ Alle den ghenen de desen sellen sien of horen lesen Do wi v_staen . . Scoute en_ Scepene der stat van vtrecht @ dat voer ons quam int gherechte / tideman herborts sone / en_ gaf tene_ eweliken erfpacht / Engbrecht @ den goyer / onsen borgher / een hofstede alse gheleghen is bi + den roden torne / an de westerside van + der @ graft / tuschen hofstede niclaes horaers / an de ouer~side / ende tuschen hofstede herwiichs van damasche an de neder~side / elx iaers / o_me dre pont / suarter tornoyse / ene_ groten conincx tornoysen @ voer sestien pe_ninghe / en_ ene_ goeden hollantschen voer tue pe_ninghe gherekent / te + betalen de ene helft tot @ sinte victoers misse nv naest comende / en_ de ander helft tot paschen daer naest comende / en_ also voert @ iaerlix eweliken / Mit sulken vorwarden / dat tideman herborts sone voerseyt / siin erfnamen en_ siin nacomelinghen / niet meer en moghen vercopen / noch wech~gheuen / noch versetten / noch versellen / an deser voerseyder hofsteden / dan desen voerghenoemden erfpacht / maer Engbrecht de goyer voerseyt siin erfnamen en_ siin nacomelinghen / moghen vriliken vercopen / of wech~gheuen of versetten of versellen dese @ voerseyde hofstede / en_ de husinghe de daer nv op gheti_mert staen / of hier na gheti_mert warden @ onder alsulken pacht en_ vorwarden alse hier voer bescreue_ staet / . . Dit ghesciede onder ioha_ne @ van lewenberch Scoute / bartoud pont / joha_ne haren rotaerds sone / peter van + den velde / joha_ne @ coeke haren hermans coeken sone . johan de wale / iacob van + der vischmarct / tideman herborts sone vorseyt / peter de wolf / niclaes proyes / johan hughen sone / gheraerde den vrese van + der + hogherstrate ende iacob van clarenborch / Scepene tutrecht / En_ op~dat dit vast en_ stade bliue / So hebbe wi @ Scoute en_ . . Scepene voerghenoe_de / onser stat seghel an desen brief ghedaen / tene_ orconde Deser @ brieue siin tue . . ghegheuen int iaer ons heren dusent dre + hondert en_ dertich / des dinxdaghes @ na sinte mathies dach . .