Corpus Van Reenen-Mulder (CRM14): Oorkonde E192p33301

@ @ Alle den ghenen de desen brief sellen sien / of horen lesen / Doe wi v_staen iohan @ van lewenberch Scoute / ghisebrecht vten weerde / veymbrecht van conpestelle / aernoud van den velde / nyclaes van driel / gheraerd woudman / aernoud gunter / en_ vrederic zoudenbalch Scepene tutrecht / dat voer ons @ quame_ int gherechte wouter van voerscoten gherards sone van voerscoten onse @ borgher van der eenre side / en_ zoude van damassche onse borgh_ van + der ander @ side / en_ gheloefden an beden siden onse zegghen te houden en_ te voldoen bi eenre @ pene van viiftich ponden suart_ tornoyse / van allen ghebreke dat horre @ enich / opten andren te zegghen hadde / alse van hoerre beder husinghe en_ @ hofsteden / daer si op wonen / gheleghen tusschen der vyebrugghe en_ sinte @ iohans brugghe an die oest~side van der graft / so waer dat horre enich @ den andren te na gheti_mert hadde / of te na was mit drupte of mit @ ti_meringhe / hoe / en_ in wat manieren wi dat sceyden / dat si dat vast en_ @ stade houden souden an beden siden bi der seluer pene die voerscreuen is / ende @ aldaer so quamen wi en_ besaghen dat ghebrec an beden siden / en_ segheden @ onse zegghen daer of / in deser manieren / alse dat zoude voerseyt / en_ sine @ nacomelinghe / hoer wat_ van den groten steen~huse an die selue side tot @ wouters hofstede waert / op hoers selfs leyden sellen voer t_ straten @ wt / . . Voert so segheden wi / dat zoude voerseyt / dat gat van sire cokene @ tot wouters hofstede waert stoppen sel / en_ gheenrehande gate meer @ hebben en sel an die selue side / siin wat_ / oft enigherhande dinghe doer te @ ghieten . . Voert so was onse zegghen / dat zoude vorghenoe_t / noch sine nacomelinghe / ghene drupte hebben en sellen tot wouters hofstede waert alse van @ dien ouden windelsteen die an zouden huus staet an die selue side / want wi vanden dat hi daer nyet buten en hadde / . . Voert so was onse zegghen / dat wouter en_ @ zoude vorghenoemde / enen glint ghemene houden en_ becosten sellen opt ghesceyt van @ horen tueen hofsteden / van zouden vorderhuse tot sinen aft_huse toe / En_ so wie @ van hem / dit zegghen in enighen ponte v_brake / die v_boerde dese vorghenoemde pene @ half tot_ stat behoef / en_ half tots Scouten ent_ Scepene behoef van vtrecht / En_ @ op~dat dit vast en_ stade bliue / so heb wi / Scoute en_ Scepene vorghenoemde onse @ seghelle an desen brief ghedaen tenen orconde . . ghegheuen int iaer ons heren dusent @ dre + hondert en_ dre en_ dertich op sinte thomaes auont