Corpus Van Reenen-Mulder (CRM14): Oorkonde E192p33601

@ @ Alle den ghenen de desen brief sellen sien of horen lesen / Doe wi v_staen Scoute en_ Scepene der stat van vtrecht / dat voer ons quam @ int gherechte / amelijs herboords sone onse borgher ende gaf claerliken mit sinen vryen wille / den kercmeysteren der kerken van buerkerke tutrecht / alse aernoude van + den velde en_ tydeman scorren tot der kerken behoef van buerkerke vorseyt / tenen vryen eyghendom @ siin helft onderdeel van + der hofstede de hi ghemene heeft / mit vrederiinen sire dochter / alse de gheleghen is bi sinte iacobs brugghe @ aen de oesterside van + der graft / streckende van voer van + der straten / tot after aen deer straten de daer tenden aen gheleghen is @ tusschen hofstede bernds smeeds aen de ouer~side / en_ tusschen hofstede tydeman hasaerds aen de neder~side / en_ v_teech mede / van sire helft @ onderdeel van deser vorseyder hofstede tot der kerken behoef van buerkerke vorghenoe_t / alse recht en_ oordeel wijsde dat hi sculdich @ was te done Mit alsulken vorwarden / dat die kercmeysters van buerkerke vorseyt de nv siin of hier na kerkemeyst_s wesen sellen in @ der tijd van + d_ kerken van buerkerke vorseyt / dien iacopinen en_ dien minrebroederen tutrecht / tot eenre eweliker memoryen / also vele @ ostyen alse + men in + der iacopinen en_ in der minrebroeder kerken vorseyt beseghen mach / missen mede te singhen / en_ lude mede te moeni-ghen / wt sellen doen reyken en_ gheuen / tot allen tyden / so wanneer mens in + der iacopinen kerke / of in der minrebroeder kerke vorseyt te done heeft en_ gheen ghelt voer die ostyen daer te gheuen en_ al sond_ archeyt / En_ so wat in desen vorseyden tween kerken @ alse ten iacopinen en_ ten minrebroederen vorseyt / ouerloept van ostyen missen mede te singhen / en_ lude mede te moenighen . dat sel @ comen te baten der kerken van buerkerke vorseyt / en_ in + der kerken van buerkerke vorseyt missen mede te singhen / en_ lude mede te moenighen / en_ oec gheen ghelt voer die ostyen te nemen En_ voert siint vorwarden / waer dat de kercmeyst_s van buerk_c vorseyt @ de nv siin / of hier na daer kercmeyst_s wesen sellen ewelike / dien iacopinen en_ dien minrebroederen vorseyt / nyet wt en reykeden @ noch en gauen also vele ostyen / alse beseghen moeghen / in horen tween kerken missen mede te singhen en_ lude mede te moenighen tot allen @ tyden so wanneer sijs te done hebben / so viele de kerke van buerkerke vorseyt / van + den eyghendom van + der helft onderdeel van deser @ vorseyder hofstede / en_ van al rechts / dat amelijs vorseyt daer aen ghegheuen hadde der kerken van buerkerke vorghenoe_t / Ende de @ helft ond_deel / van deser vorseyder hofstede / soude vrylike wed_~comen / aen amelijs vorseyt / of aen sinen naesten erfnamen na sire doot @ de van sinen vader ghecomen waren / en_ de sellen dan den iacopinen en_ den minrebroederen vorseyt / also vele ostyen / alse si in horen tween @ kerken beseghen moeghen missen mede te singhen en_ lude mede te moenighen / wt~reyken en_ gheuen ewelike tot allen tiden so wanneer @ sijs behoeuen en_ vmmer en~gheen ghelt voer de ostyen te gheuen / en_ al sond_ archeyt / Dit ghesciede ond_ ioha_ne van lewenberch Scoute @ johan haren roetaerds sone / peter van + den velde / peter mouwerkiin / johan coec haren hermans coeken sone / wouter van voerscoten tydeman @ herboords sone / iacob van + der vischmarct / adaem zoudenbalch / herman van + den rine / henric de vole / lambrecht hoen / en_ gheraerd homboud tydeman hombouds sone / Scepene tutrecht / En_ op~dat dit vast en_ stade bliue So hebbe wi Scoute en_ Scepene vorghenoe_de onser stat seghel . . @ + aen desen brief ghedaen tenen orconde / Deser brieue siin dre . . ghegheuen int iaer ons heren dusent dre + hondert en_ ses en_ dertich @ des vrydaghes na beloken piinxstren ~ ~ -