Corpus Van Reenen-Mulder (CRM14): Oorkonde E192p33602

@ @ Alle den ghenen de desen brief sellen sien of horen lesen / Doe wi v_staen iohan van lewenberch Scoute / peter van den velde / peter mouwerkiin / iohan coeke haren hermans @ coeken sone / en_ adaem zoudenbalch Scepene tutrecht / dat voer ons quamen int ghe-rechte lysebet die ermbrechts cockaerds wijf was / en_ gheraerd cockaerd @ hoer sone en_ hoer rechte mo_baer / en_ togheden ons mits Scouten enter Scepene @ brief van vtrecht dien wi gans en_ gaue saghen en_ ouerhoerden wel beseghelt / alse @ dat si enen vryen eyghendom ontfanghen hadde van machtelde haren thomaes roden @ dochter / van eenre hofstede de gheleghen is in de backer~steghe daer roelof @ pot voer op woent / en_ die gheraerd de scriuer aft_ beti_mert heeft en_ @ daer pet_ vten lene naest ghelant is aen beden siden / . . welken eyghendom van de-ser voerseyder hofstede lisebet en_ gheraerd cockaerd hoer sone vorghenoemde @ mit ghesame_der hant op~gauen voer ons int gherechte godeuaerde corf onsen @ borgher / en_ v_teghen mede daer of tot sire behoef alse recht en_ ordeel wiisde @ dat si sculdich waren te done / En_ op~dat dit vast en_ stade bliue / so hebbe wi Scoute @ en_ Scepene vorghenoemde onse seghelle aen desen brief ghedaen tenen orconde / ghegheuen @ int iare ons h_en dusent dre + hondert en_ ses en_ dertich op sinte michiels auont