Corpus Van Reenen-Mulder (CRM14): Oorkonde E192p34101

@ @ Wi . . Scepene . . Raed en_ ghemene ouderma_ne van + den ouden Rade en_ van + den nywen der stat van vtrecht maken cont en_ kenlic allen luden / dat @ wi bi consente / der meenre ghilden der stat van vtrecht vorseyt / om ons en_ om onse stat in Rusten en_ in payse te houden / eendrachtelike en_ @ mit goeden berade ouer~een~ghedraghen siin dat wi / alle de põnten / also alse hier na bescreuen staen / ewelike vast en_ ghestade en_ onverbrekelike houden zellen en_ willen / ten waer dat de . . Scepene . . Raed en_ ouderma_ne / van + den ghilden / oud en_ nyewe / bi Rade en_ consente eenre @ meenre morghensprake van allen ghilden eens beters te Rade worden / Jn + den eersten dat als + men in + den ghilden ouderma_ne kyesen sel so sellen @ de ouderma_ne daer dan tgeghenwordich siin / elc in sinen ghilde alle hoer ghildebroeder daer doen comen bi eenre pene van enen ponde / en_ de @ nyet te laten / en_ de ouderma_ne sellen sond_ voerraed bi horen ede sond_ arghenlist / ond_ de mene ghildebroed_e de volle ghildebroeder siin en_ @ iaer en_ dach tutrecht borgher gheweest hebben / en_ tuintich iaer out siin of meer / en_ in dien ghilde gaen en_ waken / elken ghildebroeder @ de daer coemt een lot maken / en_ de . . Scepene . . Raed noch oud_ma_ne / en sellen nyet mede loten noch lot hebben / om~dat die . . Scepene . . Raed @ mit dien oudermanne / elc in horen ghilde / de volle ghildebroed_e siin de lote mede maken sellen / en_ onder de + lote sellen wesen vijf zond_linghe @ lote en_ nyet meer / en_ de vijf ma_ne daer de vijf zonderlinghe lote op vallen / sellen zweren ten heylighen / dat si des nyet laten en sellen @ ? ? noch om lede noch om en~gheenrehande zaken / si en sellen altehand sond_ arghenlist / nyet wt hem seluen / maer wt horen ande_n volle @ ? / de na der stat coer in + der stat Rade wesen / moeghen / eendrachtelike ofte drie van hem viuen of si nyet al ouer~een en @ droeghen / tue oud_manne kyesen de si vermoeden bi horen ede dat der stat van vtrecht / horen ghilde enten menen ghilden van vtrecht @ nutte en_ oorbaerlike siin . . Jn dien manyeren / dat die viue hem in horen coer mit nyemant beraden en sellen / anders dan mit hem seluen @ ? alse si ghecoren hebben so sellen si de nywe oud_manne / al rechte~voert sond_ Runen of Raden / mit hem of mit anders yemant in der stat @ Rade presenteren / daer te sweren en_ dien Raed te ? / alse ghewoenlic is / dat is te v_staen / van elker wake tue Raetsmanne en_ @ dander tue Raetsmanne dar + en~bouen sellen si nemen wt dien ghilden bi horen ede / de hem donct / dat der stat nutte siin en_ oorbaerlike @ en_ dien menen ghilden / En_ de vier en_ tuintich Raetsma_ne alse de ghecoren siin / sellen kyesen tuaelf Scepene / also alse de oude ghildebrief hout / Waer enich man de mit bede of mit myede / of mit Runen of mit Raden / selue of mit and_en persoonen wijf of man @ leec of paep / in enigherhande manyeren / enighen voerraed daer in dede om dese oud_manne . . Raed en_ Scepene / ouerste oud_manne of @ borghermeyst_s te kyesen ieghens de manyere de vorscreuen is / en_ de Raed van + d_ stat dat ter waerheyt vonde / de verboerde @ tien pont / en_ de tien pont zoude hi voer de clocke brenghen aen hemde en_ aen broeke / of iaer en_ dach wt der stat te wesen / en_ ? @ myle van + der stat / En_ so wat man / dat enich ferpel of onreckelike dinghe in dese lotinghe dede / en_ de Raed van + d_ stat dat ter waerheyt vonde / die zoude ewelike wt der stat Rade wesen / En_ en sel gheen man ouderman wesen hi en si volle ghildebroeder of hi en @ voer dat ghilde mitter hant . of hi en hebt ghevoert oft + en si hem aen~gheerft van sinen ouders diet gheuoert hebben / oft + en si hem @ aen~gheboren . Voert als + men de ou_ste oud_man kyesen sel / so zellen de oude ouerste oud_manne maken tue en_ viertich lote / en_ daer sellen @ vijf zond_linghe lote onder wesen / en_ de vijf ma_ne daer die vijf zonderlinghe lote op vallen sellen kyesen tue ouerste oud_manne / wt dien @ viertien hooftghilden en_ nyet wt hem seluen / de hem doncken bi horen ede dat der stat enten menen ghilden nutte ? oorbaerlike siin / En_ so waer die drie gaen sellen de tue volghen / En_ voert so en sellen en~gheen borghermeyst_s / ouerste oud_manne / of cameraer @ weder~comen in den stoel / daer hi in is of elc in des anders stoel / eer jnt vierde iaer / Voert so en sellen de oudermanne ghene @ ghildebroeder ontfaen diet ghilde nyet voeren en willen mitter hant / ten si bi + den ghemenen oudermannen / En_ om~dat wi - Scepene @ Raed en_ ghemene ouderma_ne van + den ouden Rade en_ van + den nywen vorseyt / alle dese vorscreuen põnten vast en_ ghestade houden sellen en_ @ willen / also alse hier voer bescreuen staet / So hebbe wi ? consente en_ bi Rade der meenre ghilden van onser stat desen brief @ beseghelt mit onser stat grote seghel . Ghegheuen jnt iaer ons h_en dusent dre + hondert en_ een en_ viertich op sinte angnyeten @ auont