Corpus Van Reenen-Mulder (CRM14): Oorkonde E192p34301

@ @ Alle den ghenen de desen brief sellen sien / of horen lesen / Doe wi v_staen Scoute en_ Scepene der stat @ van vtrecht / dat voer ons quam int gherechte zibrecht roest de smit en_ toende ons mit @ onser stat opene brief dien wi gans en_ gaue saghen en_ ouerhoerden wel beseghelt mit onser stat @ seghel van vtrecht / alse dat hi in erfpachte ontfanghen hadde van willame van orixoye onsen bor-gher voer tue pont suart_ tornoyse siaers / een hofstede van tue en_ dertich voeten breed in den @ nedren egghe van + der haluer hofstede de willam voerseyt in erfpachten ontfanghen hadde van mar-selijs den backer / en_ die marselijs voerseyt . mitter ander helfte voert in erfpachte helt van @ wouter van colen onsen borgher / gheleghen an sinte iacobs velt / tusschen hofstede wouters voerseyt die @ johan deye de speleman wylenneer in erfpachte hadde an de ou_~side / en_ tusschen hofstede wouters voerseyt @ de ghisebrecht scarpenborch in erfpachte hadde an de neder~side / En_ daer so v_plach / zibrecht @ roest voerseyt op die hofstedede @ die hi van willame van orixoye voerseyt in erfpachte ontfanghen @ hadde / en_ op sine husinghe / en_ op al ghoets dat hi daer op heeft / hermanne den volen onsen borgher @ erflike tue pont ghelts iaerlix te + renten suart_ tornoyse alsulx payments alse in onser stat @ ghenghe en_ gaue is in der tiid / te + betalen de ene helft tot sinte victoers misse naest come_de / en_ @ de ander helft tot paeschen daer naest comende / en_ also voert iaerlix eweliken / en_ behouden @ elkermalc siins rechts / Dit ghesciede onder iacob van lichtenberch ridd_ Scoute / lambrecht hoen @ ghisebrecht vten weerde / tydeman herbords sone / adaem zoudenbalch / tydeman scorre / henric van + den @ damme / johan scinckel / johan van + den velde / aelbrecht vrederix sone gheraerd vrencke aernouds sone @ abraem vt_ corenmarct / en_ tydeman scrodekiin Scepene tutrecht / En_ op~dat dit vast en_ stade bliue @ so hebbe wi Scoute en_ Scepene vorghenoemde onser stat seghel an desen brief ghedaen tenen orconde @ ghegheuen int iaer ons heren dusent dre + hondert + / dre en_ viertich des vridaghes na ons h_en @ hemeluaert