Corpus Van Reenen-Mulder (CRM14): Oorkonde E192p34302

@ @ Alle den ghenen de desen brief sellen sien / of horen lesen / Doe wi v_staen iacob van @ lichtenberch ridder . . Scoute / lambrecht hoen / johan van den velde / aelbrecht vrederix sone / en_ tydeman scrodekiin Scepene tutrecht / dat voer ons quame_ int gherechte eueraerd van beyarden / ermbrecht en_ gheraerd sine broede_n @ Sophie / aleyd / margriete / en_ machteld sine sustren ermbrechts kindre van @ beyarden / goswin van beyarden wycheer / en_ henric sine broede_n / en_ katerine hoer sust_ euerards kindre van beyarden / en_ gheloefden alle mit @ ghesame_der hant tydemanne scorren onsen borgher / iaer en_ dach te @ waren alse recht is tue hofsteden daer si hem den eyghendom of ghegheuen hebben gheleghen in de mersegasse op die oest_~side van + d_ straten @ daer die ene hofstede of gheleghen is tusschen wycheers hofstede de iacob @ ? ? beti_mert heeft an de zuut~side / en_ tusschen der stat steghe @ an de noort~side / die ander hofstede is gheleghen opt zuut~ende van der @ mersegasse tusschen der stat strate / en_ abraems hofstede van conpestelle / En_ @ voert so gheloefde eueraerd van beyarden ermbrechts soen voerseyt voer @ ons / alse dat hi katerinen siin sust_ die noch onmondig is sel doen v_tyen alse si tot @ horen iaren coemt / of hore erfname_ waer dat hoers ghebrake / van desen voerseyden tueen hofsteden tot tydemans scorren behoef voerseyt / ofte sire erfname_ @ waer hi doot / En_ op~dat dit vast en_ stade bliue / so hebbe wi Scoute ende @ Scepene vorghenoemde onse seghelle an desen brief ghedaen tenen orconde / ghegheuen int iaer ons h_en dusent dre + hondert + / dre en_ viertich op sinte victoers dach