Corpus Van Reenen-Mulder (CRM14): Oorkonde E192p34402

@ @ Alle den ghenen de desen brief sellen sien / of horen lesen / Doe wi v_staen jacob van @ lichtenberch ridder Scoute / nyclaes van driel / peter mouwerkiin / gheraerd @ homboud / en_ tydeman de langhe Scepene tutrecht / dat voer ons quam int @ gherechte gheraerd van + den hoeuen heyne vincken soen / en_ gaf op mit sinen @ vryen wille tydemanne scorren onsen borgher sulke erfnisse alse hem aenbestoruen was van katerinen doot van beyarden sire moyen / an tueen hof-steden gheleghen an de oest_ side van + d_ m_segasse daer aleyde gouden docht_ nv op woent / de and_ is gheleghen naest der stat steghe daer griete vargyers nv op woent en_ v_teech @ van al rechts dat hi an dien tueen hofsteden hadde alse recht en_ oerdeel @ wiisde dat hi sculdich was te done tot tydemans scorren behoef vorghenoe_t @ En_ op~dat dit vast en_ stade bliue / so hebbe wi Scoute en_ Scepene vorghe-noemde onse seghelle an desen brief ghedaen tenen orconde / ghegheuen int iaer @ ons h_en dusent dre + hondert + / vier en_ viertich des sat_daghes na sinte gregorijs @ dach