Corpus Van Reenen-Mulder (CRM14): Oorkonde E192p34403

@ @ Wi borghermeysters / Scepene / Raet / en_ ghemene oudermanne der stat van vtrecht / doen cont @ allen luden / dat wi om alrehande twist en_ onruste te scutten / de gheuallen is en_ namaels ghe-uallen mochte in buerkerke tutrecht / eendrachteliken des te rade siin gheworden dat + men @ in dat nywe cruyswerc / dat an beden siden van buerkerke voerseyt ghemaket is / nyet @ meer bancsteden / noch stoele / enighen vrouwen / ofte mannen / voertmeer v_copen en sel / bouen @ de daer nv in vercoft siin ten si openbaerliken / bi wille en_ consente der Scepene / en_ des ghemenen raets van onser stat / voert so en sel nyemant sine grafstede die hi in @ deser voerseyder kerke heeft / ofte namaels ghecreghe / v_copen noch wech~gheuen / ten si bi wille @ en_ consente / deer kermeyst_en @ van buerkerke voerseyt / Oec so en sel nyemant in deer seluer @ kerken / siin aendeel van enighen stoel / ofte ? / daer ander lude mede recht an hebben @ v_copen / noch wech~gheuen / noch yemant lenen / ten si bi wille der kercmeyst_en / en_ der gheenre @ die tot dien stoel / of tot deer bancken behoren / of recht toe hebben / En_ om~dat wi willen dat @ dit vast en_ stade en_ onverbroken bliue so hebben wi onser stat seghel an desen brief ghedaen @ tenen orconde / ghegheuen int iaer ons heren / dusent dre + hondert vier en_ viertich . des vrydaghes na sinte pouwels dach in + den after~wint_