Corpus Van Reenen-Mulder (CRM14): Oorkonde E192p34901

@ @ Wi borgh_meyst__s Scepene / en_ ghemene Raet d_ stat van vtrecht / maken cont allen luden / dat adaem zoudenbalch daer @ god de ziel of hebben moete / in sinen testamente beset hadde / twe + hondert pont suarte / van sinen ghoede / te @ belegghen / an zekeren renten / armen luden scoen / of te gheuen / en_ eweliken te duren / welc ghelt sine testame_tore / alse haer adaem van lochorst / preest_ / vrederic zoudenbalch / peter vten lene / en_ heyme die vergier onse borghers / beleghet hebben / an viifte + half morghen lants / onderdeel gheleghen / op laghe rauen @ tusschen des co_uents lant / van sinte Seruaes / an de ouer~side / en_ der prochipapen lant / van sinte nyclaes an @ de neder~side / van welken viifte + half morghen lants / onse stat voerseyt / den eyghendom heeft / en_ eweliken @ behouden sel / jn sulken ghevoeghe / dat dese vorghenoe_de testamentore / also langhe / alse enich van hem vieren leeft / die alinghe rente / van desen viifte + half morghen lants / voerscreuen op~boren sellen van iare @ te iare / en_ daer of gheuen sellen / wt eenre hant armen luden / elken een paer scoen / tusschen alre~heylighen dach / en_ kersauont / also veer / alse die rente strecken mach / en_ daer hem dunket / dattet @ best an bestat is / bi horre zielen / En_ na + d_ lester doot van hem / so sellen die twe kercmeyst_s / van buerk_ke @ tutrecht / die siin in + der tiid / en_ die oudste / die besitter ware des eyghendoms / van adaem zoudenbalghes @ husinghe en_ hofstede / gheleghen / tusschen haren iohans brugghe / en_ der vyebrugghe / op die westside @ van + der graft / dese voerscreuene rente / voert op~boren van iare te iare / en_ daer of scoen gheuen @ armen luden / tot sulker tiid / en_ in allen manieren / alse voerscreuen is / wtghenomen / dat elc @ van hem drien alle iare op sinte martiins avont in + den wint_ / van dien renten / ene take wiins / @ + hebben sel / voer sinen arbeyt / En_ op~dat dit eweliken / vast / en_ stade bliue / so hebben wi onser @ stat seghel / an desen brief ghedaen / Deser brieue siin dre . . ghegheuen int iaer ons h_en dusent @ dre + hondert neghen en_ viertich op sinte angnieten avont