Corpus Van Reenen-Mulder (CRM14): Oorkonde E192p35001

@ @ Wy margriete van voern abdisse des cloesters van oudwiic maken cont allen luden dat wi @ sophien herdebollen onse priorinne en_ anders alle die nonnen en_ monike van onsen @ cloester vriliken quijt ghelaten hebben van alre br˚eke aentaele en_ toerecs / die si @ misdaen hebben of verb˚ert van alsulken twist als wi onderlinghe ghehat hebben @ om onse ambochte te besette_ en_ van al dat daer af r˚erren mach . ende wi @ hebben gheloeft en_ gheloven in desen brieve ene_ eersamen vader in gode onsen @ lieven h_e h_en johanne van arkel ? tutrecht dat wi die vorscreue_ priorinne @ nonnen en_ monike quijt en_ vri houden sellen als voerscreue_ is en_ dat wi hem @ daer nemmermere afterdeel om doen en selle_ noch laten doen van onser weghe_ @ Voert zo gheloue wi hem weder te + gheue_ wes dat hem daer omme ghenomen is of @ ombreket . oec so gheloue wi dat wi die priorinne en_ anders die vrouwen jn horen @ ambochte en_ in alle hore_ state sellen laten bliuen vrilike als si te~voren waren @ eer dese twist gheviel . waert sake dat wi des niet en hielden als voerscreue_ is @ zo bekenne wi dat wi teghen onsen lieven h_e van vtrecht vors_ verb˚ert hebbe_ @ drie hondert pont payments . als tutrecht ghenghe en_ gheve is / jn orconde des @ briefs bezeghelt mit onsen zeghel . Ghegheue_ int jaer ons h_en Dusent drie @ hondert en_ viiftich des sonnendaechs na sente johans dach decollatio . . .