Corpus Van Reenen-Mulder (CRM14): Oorkonde E192p35201

@ @ Alle den ghenen die desen brief sellen sien of horen lesen Doe wi v_staen johan van + den spieghel scoute @ tydeman de langhe wernaer van drakenborch / boydewiin de witte / en_ johan de wale scepene tutrecht @ dat voer ? quamen int gherechte / ghisebrecht van + den gheyne / wout_ van + den velde / en_ hughe mouw_ @ Mengde heynen sone / / en_ gauen henric den witten / en_ tydeman scrodekiin / achte pont / en_ vijftien scillinghe @ siaers / in eenre hofstede gheleghen bi + den wint_huse / daer andries de cuper op te woenen placht / voert @ tuintich grote siaers in eenre hofstede / gheleghen bi sinte gheerde brugghe / op die oest~side van + der @ graft / daer aernoud de bit_ nv op woent / voert tualef grote siaers in eenre hofstede gheleghen in @ die linemarct daer johan van brandenborch nv op woent / voert tuintich grote / en_ een hoen siaers @ in eenre hofstede gheleghen in die springwiic / / daer wernaer die olislagher nv op woent / voert @ dre pont siaers in eenre hofstede gheleghen bi + d_ jacopinen / daer jacob sconekiin / nv op woent / En_ v_teghen daer op / alse recht / en_ ordeel wiisde / dat si sculdich waren te doen tot behoef henrix / en_ tyde-mans / vorghenoemt / En_ gheloefden hem die jaer / en_ dach te waren / En_ op~dat dit vast / en_ stade @ bliue so hebbe wi scoute en_ scepene vorghenoemde onse seghelle an desen brief ghedaen tenen orco_de / @ + ghegheuen int jaer ons h_en dusent + / dre + hond_t + / tue en_ viiftich op sinte thomaes avont