Corpus Van Reenen-Mulder (CRM14): Oorkonde E192p35701

@ @ Alle den ghenen die desen brief sellen sien / Of horen lesen / Doe wi v_staen Scoute / en_ scepene / d_ stat @ van vtrecht dat voer ons quam int gherechte peter potter Onse borgher Ende gaf op mit sinen vryen @ wille / Ende bi wille / ende consente ghisebrechts potters hubrechts sone siins neven / alfaers van lichtenberch @ ende aernoud riems / haren johanne pul preest_ tot behoef des heylighen gheests + huys in onser stat / den eyghe_dom van dreen ponden siaers / en_ al rechts / dat hi hadde in + der hofstede tot Ermbrechtsteyne En_ v_teech @ daer of tot des heylighen gheests + huys behoef voerseyt / alse recht en_ ordeel wiisde dat hi sculdich was te doen @ dit ghesciede / Onder johanne van + den spieghel scoute / herman van lochorst / vrederic zoudenbalch / herman van + den @ Ryne / aelbrecht vrederix sone / johan van groenewoude Roetaerd van + der Sterre / aelbaren dole / aelbrecht @ aluekiin wernaer braem gheraerd dymbout / henric van langheraec / en_ Roelof loef hasaert / scepene tutrecht @ Ende op~dat dit vast en_ stade bliue so hebbe wi scoute / en_ scepene vorghenoemde onser stat seghel aen desen @ brief ghedaen tenen orconde / ghegheuen int jaer ons h_en dusent + / dre + hondert + / seuen en_ viiftich / des dinxda-ghes na sinte margrieten dach