Corpus Van Reenen-Mulder (CRM14): Oorkonde E192p35802

@ @ Alle den ghenen die desen brief zellen zien / Of horen lesen . . / Doe wi verstaen / Scoute / ende scepene der stat van vtrecht / dat onser stat Camerare van onser stat weghen @ ende tot onser stat behoef ontfanghen hebben jnt gherechte / van tydeman mouwerkiin peters sone onsen borgher / den vryen eyghendom van vier hofsteden / die hier na bescreuen @ staen / ende van joncfrou baerten sinen wiue wouters dochter van Coelen / den vryen eyghendom van tween hofsteden / die oec hier na bescreuen staen welc eyghendom van @ den zeluen tween hofsteden joncfrou baerte voerseyt / onsen Cameraren / tot onser stat behoef voerscreuen op~droech / en_ gaf mit horen vrye wille / en_ mit tydemans hant @ hoers mans voerseyt / ende hoers witteliken mombaren / ende bi wille / en_ consente wouters van coelen / en_ stevens hore broedere . . Jn + den eersten van + den vier hofsteden @ voerscreuen / die tydeman mouwerkiin voerseyt / onsen voerseyden Cameraren / tot onser stat behoef op~droech / alse voerscreuen is / ziin twe hofsteden gheleghen tezamen op-ten Camp an die zuytside van + den Campe / tusschen hofstede haren peters vten hamme an die ouer~side / ende onser stat strate / die de kampsteghe heet / an die neder~zide / @ + ende daer die nederste hofstede die opten kampsteghe gheleghen is / of strecket van + den Camp an herman wittemans hofstede / de boydewiin de witte in pachte heeft / om vijftich @ grote siaers / alse siin brief hout / ende die ouerste hofstede die daer ane leghet strecket van + den Campe voerseyt an pawen hofstede / die ghisebrecht de Cuper nv in pach-te heeft om dre pont ende vier scillinghe siaers / ende twe hoenre / alse siin brief hout / ende ene hofstede is gheleghen in + de springwijc / tusschen hofstede meyster gheraerd @ dymbouts an die ouer~side / ende tusschen hofstede mengde heynen erfnamen / an die neder~side / de wernaer van + den berghe in pachte heeft / om twe pont siaers / ende om / @ + vier hoenre / ende ene hofstede is gheleghen in + de springwijc voerseyt / tusschen hofstede stevens van groenenwoude / an die ouer~side / ende tusschen hofstede johans @ pots / ende gheraerds pots / de johan gheyneman in pachte heeft / om vijf ende viertich scillinghe siaers / alse siin brief hout . . Voert van + den tween hofsteden voerscre-uen / die joncfrou baerte voerseyt / onsen voerseyden Cameraren / tot onser stat behoef op~droech / alse voerscreuen is / ene hofstede gheleghen bi + der louwersteghe opte @ graft / tusschen hofstede stevens van zulen wouters sone van coelen an die ouer~side / ende tusschen hofstede / meyster aernouds voets an die neder~side / de tydeman de @ goyer in pachte heeft / om achte + / ende viertich scillinghe siaers / alse siin brief hout / ende die ander hofstede is gheleghen op sinte jacobs velt opten noertwesthoec @ van + den ommeloep / tusschen hofstede gherijts van ameronghen an die zuytside / ende onser stat strate an die noertside / de gherijd hermans sone in pachte heeft / om neghen + / ende twintich scillinghe / ende achte pe_ninghe siaers / alse siin brief hout / . . Jn dusdanighen manieren / alse dat die oudste kermeyster @ van buerkerke de nv is / of @ onse stat naemaels zetten zel in + der tijd in + der zeluer kercken / ende die oudste manhoeft die van peter mouwerkiins liue tydemans vader voerseyt / ghecomen ware Ende @ en ware daer gheen manshoeft / die oudste vrouwe die van peter mouwerkiins liue ghecomen ware / ende storuen si alle die oudste manhoeft die van haren tydemans @ mouwerkiins liue ghecomen ware / des voerseyden tydeman mouwerkiins oudevader / ende en waer daer gheen manhoeft / de oudste vrouwename / die van haren ty-demans liue voerseyt / ghecomen ware jaerlix opboeren zellen / ende heffen die renten van alle desen voerscreuen hofsteden / ende scoene daer of doen maken / also vele @ alse si moeghen om viertiende + half pont penninghe / ende die scoene te + bereden / alle jare op alre~heylighen avont / rede te + wesen / ende die scoene zullen die twe dan gheuen @ in + de Ere goeds den armsten luden de si dan weten / daer hem duncket bi hore consciencien dat si beste an bestaet siin / ende elken persoen een paer scoen / ende @ nyet meer / Ende om~dat si dit arbeyden / ende wel verwaren zullen / so sel hore~like / ende die ander kercmeyster hebben alle iare een halue take wiin op alreheylighen dach / ende twe hoenre tot sinte victoers misse / Ende so wes dan daer ouerlopet / van + den voerseyden renten / dat sel gaen totter kerken timmeringhe @ van buerkerke voerseyt / ende dit sel ewelike dueren in allen manieren / alse dese brief begrepen heeft / behoudelike joncfrou baerten voerseyt hore lijf-tochte / de si hebben / ende behouden zel / an + den achte + / ende viertich scillinghen / ende achte pe_ninghen siaers / vter hofstede gheleghen / op sinte jacobs velt / de @ gherijt hermans sone in pachte heeft / ende voerscreuen is . . Voert siint vorwaerden / dat tydeman mouwerkiin voerseyt dit allene verwaren zel in allen ma-nieren alse voerscreuen is / also langhe alse hi leeft . . Dit ghesciede onder johanne van + den spieghel / Scoute / harman van lochorst / vrederic zoudenbalch / harman @ van + den Riin / aelbrecht vrederix sone / johan van groenenwoude / Roetaerd van + der sterre / aelbaren dole / aelbrecht aluekiin / wernaer braem / gheraerd dymbout / henric van langheraec / ende Roelof loef hazaert / Scepene Tutrecht . . Ende op~dat dit vast / ende stade bliue / so hebben wi scoute / ende scepene voerghenoem-de / onser stat seghel . an desen brief ghedaen tenen orconde . . / deser brieue siin dre . . / ghegheuen jnt jaer ons heren / Dusent + / Dre + hondert + . achte en_ vijftich @ des Dinxdaghes na sinte angnieten dach . .