Corpus Van Reenen-Mulder (CRM14): Oorkonde E192p35901

@ @ Alle den ghenen die desen brief zellen zien of horen lesen Doe wi verstaen johan mouwerkiin peters soen en_ Rychaert @ verren oghe / kercmeysters in deser tijd / der kerken van buerkerke Tutrecht / Dat voer ons quam / zanne jacob @ pilgriins soens wijf / En_ gaf en_ droech op / mit horen vryen wille / bi wille en_ Consente hoers mans vorghenoe_t @ heylwighen hore moeyen / boudiins witten wijf / al rechts dat si hadde / an eenre grafstede / die gheleghen is / @ + in + der kerken van buerkerke voerseyt / daer willam van + den zande / en_ trude ziin wijf / nv in begrauen legghen @ en_ mede alse alst aelbrecht van + den zande / hoer voertijds / voer ons opghedraghen en_ ghegheuen hadde / dat ons @ kenliken is / / En_ verteech daer of bi wille Consente hoers mans vorghenoe_t / tot hore moeyen behoef voerscreuen @ alse si sculdich was te + doen / behoudelike anders elkermalc siins rechts / Ende op~dat dit vaste en_ stade bliue zo @ hebbe ic / johan mouwerkiin voerseyt / desen brief bezeghelt mit minen zeghel / tenen orconde / En_ want ic Rych-aert voerseyt / zelue ghenen zeghel en hebbe / zo hebbe ic ghebeden / Tyman zoudenbalch gheraerds soen / desen @ brief ouer mi te + bezeghellen jn orconde der waerheyt / En_ ic tyman voerseyt hebbe om bede wille Rychaerts @ vorghenoe_t / minen zeghel mede an desen brief ghedaen / Tenen orconde / ghegheuen jnt jaer ons h_en dusent @ dre + hondert + / neghen + / en_ vijftich / Des dinxdaghes voer zinte thomaes dach