Corpus Van Reenen-Mulder (CRM14): Oorkonde E192p36001

@ @ Alle den ghenen die desen brief zellen zien of horen lesen Doe wi verstaen Johan van + den spieghel Scoute @ alfaer van lichtenberch haren jacobs sone / aelbrecht aluekiin . nyclaes van + den velde en_ johan van hamer-steyne Scepene Tutrecht / Dat voer ons quam jnt gherechte johan dole aelbaren dole broeder en_ gaf @ Tydeman scrodekiin den eyghendom van vijf en_ twintich scillinghe siaers / de hi zeyde dat hi hadde in + der @ hofstede die gheleghen is alrenaest den winterhuze / daer gherijd de Cuper andries sone nv op woent @ En_ verteech daer of en_ van alle rechts dat hi daer aen hadde / tot Tydemans behoef vorghenoemt @ alse recht / en_ ordele wijsde dat hi sculdich was te + doen / En_ loefde hem mede jaer en_ dach te + waren alse @ recht is en_ alle voerplechte / of te doen / En_ op~dat dit vaste en_ stade bliue So hebben wi Scoute en_ Sce-pene vorghenoe_de / onse zeghelle an desen brief ghedaen / tenen orconde . . ghegheuen jnt jaer ons heren @ dusent dre + hond_t en_ tsestich / des donredaghes na dertienden dach . . ~