Corpus Van Reenen-Mulder (CRM14): Oorkonde E192p36302

@ @ Alle den ghenen die dezen brief zellen zien of horen lezen . Doe wi verstaen / wernaer van drakenborch Scoute / Tydeman zoudenbalch @ boydewiin de witte goedscalc de vreze / en_ Claes voncke Scepene Tutrecht / Dat voer ons quamen jnt gherechte / johan lieboert hughe backer @ deliane ziin wijf Eueraerd foke / aleyd ziin wijf fye die herman Capellaens wijf was / Tydeman en_ henric hoer zoenen / en_ jacob hollander @ Ende aldaer zo gaf johan lieboert voerzeyt / voer hem en_ voer nellen zinen wiue / daer hi tot dier tijd wittelike boerte bi hadde hughe @ backer / delyane ziin wijf / Eueraerd foke / aleyd ziin wijf / en_ jacob hollander voerscreuen / gauen alse recht wijsde / ende fye de herman @ Capellaens wijf was / Tydeman ende henric hoer zoenen vorghenoe_de / gauen mit samender hant Daer ouer tot onzer antworde braem @ van + den zande den erftinsbrief / ende alle rechts / dat si daer aen hadden / Daer onze tieghenwoerdighe brief doer ghesteken is bezeghelt @ mit onzen zeghellen / ghegheuen jnt jaer ons h_en / Duzent + / dre + hondert + / dre ende + tsestich / op zinte Pouwels avont / jn + den afterwinter