Corpus Van Reenen-Mulder (CRM14): Oorkonde E192p36502

@ @ Alle den ghenen die dezen brief zellen zien of horen lesen doe wi v_staen Scoute en_ Scepene der stat van vtrecht @ dat voer ons quam jnt gherechte aelbrecht aluekiin ? toende aldaer enen erftinsbrief gans en_ gaue en_ wel bezeghelt mit des capitels seghel van zinte marien tutrecht also alst gheleec en_ wijt bekennen mochten Sprekende @ van woerde te + woerde aldus (onleesbaar) En_ doe wi dezen voerseyden brief ghezien en_ wel verstaen hadden aldaer zo gaf @ aelbrecht aluekiin voerzeyt johan den walen en_ tydeman Meeus kercmeysters in dezer tijd tot buerker @ tutrecht als tot behoef der kerken voerzeyt dat afterste eynde van + der hofstede also alse dat gheleghen is tends der hofstede daer jacob de messemaker voer op + woent en_ hi van aelbrecht voerzeyt in @ erfpachte heeft welke afterste eynde van + der hofstede voerzeyt die kerke voerscreuen erfliken en_ @ eweliken ghebruken en_ bezitten zel pachtvry zonder enighen pacht of te + gheuen Mede zo gheloefde @ aelbrecht voerzeyt voer hem en_ voer ziin nacomelinghe der kerke voerscreuen dat afterst + eynde @ van + der hofstede vorghenoe_t pachtvry te + waren eweliken Dit ghesciede onder gherijd den bole Scoute @ johan van groenenwoude herman van lochorst tydeman scrodekiin johan van + den spieghel bertelmeeus gunter wernaer braem johan van hamersteyne henric van langheraec florans van pallaes aernoud van @ lochorst braem van + den velde en_ johan jacobs soen Scepene tutrecht En_ op~dat dit vast en_ stade bliue @ zo hebben wi Scoute en_ Scepene vorghenoe_de onzer stat zeghel aen dezen brief ghedaen tenen orconde @ ghegheuen jnt jaer ons h_en duzent dre + hond_t vijf en_ tsestich des dinxdaghes na zinte bertelmeeus dach