Corpus Van Reenen-Mulder (CRM14): Oorkonde E192p36601

@ @ WJ borghermeysters / Scepene / Raet / en_ ghemene Oudermanne van + den Ouden rade / en_ van + den nyewen der stat van vtrecht @ maken cont allen luden dat wi mit onsen ghilden / in eenre ghemeenre morghensprake eendrachteliken ouerdraghen siin dat wi @ alsulc ghelt alse ons jaerlix jncoeme_ / en_ verschinen zel van onser weyde bouen dat + se jaerlix costen zel te + verwaren van slusen @ van grauen / van ladiken / en_ van anders onrade / aen onser stat muere vertymmeren zellen / en_ in anders gheenre orbaer te @ keren ter tijd toe dat de muere o_me ghecomen is / alse si jn + der bijlhouwer slach ghemaket is / behoudelic elker wake jaerlix hondert pont / en_ zestien pont bliuens ghelts horen onraet mede te + stoppen . En_ tot desen voerseyden ghelde te + vertymmeren zel elc ghilde jaerlix enen man zetten de volle ghildebroeder en_ borgher / is En_ de tymmermeysters zellen alle jare @ rekeninghe doen voer de ghemene Oudermans . jn orconde deser dinghe so hebben wi borghermeysters / scepene / Raet / en_ @ ghemene oudermanne van + den Ouden rade / en_ van + den nyewen voerghenoemde / onser stat seghel aen desen brief ghedaen @ ghegheuen jnt jaer ons heren Dusent + / Dre + hondert + / zes + / en_ tsestich des donredaghes na sinte symon juden dach .