Corpus Van Reenen-Mulder (CRM14): Oorkonde E192p37001

@ @ Alle den ghenen die desen brief sellen sien of horen lesen doe wi verstaen amelis godeuaerts sone @ ewelic vicariis ten doem tutrecht ende gheriid lakeman ewelic vicariis in buerkerke tutrecht alse @ mede testamentoren haren wouter scaerts daer god de ziele of hebben moet dat wi dat kennen @ ende lyen mit desen opene brieue dat claerlike haer ghisebrecht van walenborch Canonic ende scolaster ten doem tutrecht ende mede testamentoor haren wouters scaerts voerseyt ons gheleuert @ ende weder ghegheuen heeft dat ghelt dat hi ontfaen hadde van ons ende haer wouter scaert @ bewiist hadde te + gheven voor ziin ziele ende dat wi oec bi haren ghisebrechts wille ende @ consent ghegheuen hebben daer wi waenden dattet wel besteet was wtghenomen twe hondert @ pont de haer ghisebrecht beleyt heeft an ses mudde rogghen siaers ewelic ermen luden te @ gheven in den gasthuze op sinte iohans velt gheleghen te leersen de hi cofte teghen iohan borre @ van ameronghen die den doemproofst tinsen jn oorconde des briefs beseghelt mit onsen @ seghellen ghegheuen jnt iaer ons heren dusent dre + hondert ende tseventich op sinte remeys @ auont