Corpus Van Reenen-Mulder (CRM14): Oorkonde E192p37002

@ @ Alle den ghenen die dezen brief zellen zien of horen lezen Doe wi v_staen Scoute en_ Scepene der stat van vtrecht @ dat voer ons quam jnt gherechte joncfrou kerstine die ghizebrechts @ van driel en_ gaf mit horen vryen wille en_ mit @ hoers gheboren mombaers hant johan den backer en_ jacob hawen kercmeysters in dezer tijd tot buerkerke tutrecht @ alse tot der kerke behoef voerseyt den eyghendom van eenre hofstede also alse gheleghen is opt westeynde an buerkerchof die henric stultinx wijf en_ hoer kiindere in erfpachte hebben also alse gheleghen is tusschen hofstede @ iohans erfnaem van + den spieghel aen die ouer~zide en_ tusschen hofstede roetaerds van + der sterre en_ ? kiindere @ aen die neder~zide en_ verteech daer of tot behoef iohans en_ jacobs ? alse recht en_ oerdele wijsde @ dat zi sculdich was te + doen en_ gheloefde hem mede jaer en_ dach te + waren en_ alle voerplechte of te + doen Mede @ zo is ons kenliken dat joncfrou aleyd van + den spieghel voertijds voer den Scoute en_ Scepene tutrecht @ ghegheuen hadde joncfrou kerstinen hore zuster alle hoer ghoet dat zi binnen vtrecht after hoer ? ? @ hore doet also verre alse joncfrou kerstine voerzeyt dan in leuenden liue waer / Dit ghesciede ? (onleesbaar) van lochorst Scoute johan van groenenwoude bertelmeeus gunt_ jacob de cuper johan de wale wernaer braem @ henric de witte johan hombout alfaer van nywendale gherijd vrencke willam ouer de vecht aernoud proeys @ en_ peter iohan scoenheynen zoens zoen Scepene tutrecht En_ op~dat dit vaste en_ stade bliue so hebben wi Scoute @ en_ Scepene vorghenoe_de onser stat seghel aen dezen brief ghedaen tenen orconde ghegheuen int iaer ons h_en @ duzent dre + hond_t en_ tseue_tich des donredaghes na dertienden dach / ~ ~ ~