Corpus Van Reenen-Mulder (CRM14): Oorkonde E192p37501

@ @ Wi borghermeysters Scepene Raed en_ ghemene oudermans van + den ouden Rade en_ van + den nywen der stat van vtrecht / Maken cont allen luden @ Dat wi Eendrachteliken bi consente der ghemeenre ghilden vercoft hebben / wouter van coelenberch om een zeker Su_me van ghelde @ die hi ons vol en_ al betaelt heeft den lesten pe_ninc mitten eersten / en_ daer wi voert onser stat scout mede betaelt hebben die roerende is @ van + den oerloghe dat nv laetste was tusschen der greeflicheyt van hollant en_ ons den vryen eyghendom van dreen hont lants gheleghen buten sinte katrinen an + de zuytside van + den steenweghe / en_ daer is in ghemeten die alinghe sloet die tenden aent zuytende @ van + den voerseyden lande gheleghen is also lang alse die voerseyde dre hont lants begrepen hebben en_ niet meer / welke dre @ hont lants voerscreuen gheleghen siin Tusschen lande dat tydeman ere weder ons ghecoft heeft an + de oestside en_ tusschen lande dat @ jacob de cuper weder ons ghecoft heeft an + de westside / van welken voerseyden lande wi den voerseyden wouter den vryen eyghendom @ of ghegheuen hebben en_ gheuen mit desen tieghenwoerdighen brieue / Ende hebben hem mede gheloeft en_ ghelouen mit goeden @ trouwen den voerseyden vryen eyghendom te + waren en_ allen co_mer of te + doen / Mit sulken vorwarden dat onse stat voerseyt @ die weteringhe die allanghes beziden onser stat steenweghe gaet behouden sel / Jn zulken manieren dat wouter voerseyt en_ @ siin nacomelinghe een brugghe ouer dese voerseyde weteringhe maken moeghen also wijt en_ also hoghe dat + men ruym @ daer doer varen mach sonder archeyt / Voert siint vorwarden dat dit voerseyde lant altoes bliuen sel in + de weerlike hant @ en_ nu_mermeer comen en sel in enigher gheesteliker hant / Jn orconde des briefs beseghelt mit onser stat seghel / ghegheue_ jnt @ jaer ons h_en Dusent Dre + hondert viif en_ tseuentich Des Saterdaghes na sinte Seruaes dach : . ~